• 233
  recto

Type:Notarial
Language:Latin
Transcription Author: J. Shearman
Published: yes
Publication Details: The document was first noted by L. Pungileoni, “Elogio storico di Raffaello Santi da Urbino”, Urbino 1829, p. 265; the present transcription is from J. Shearman, “ Raphael in early modern sources”, I, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 611-12.
Notes: The document appear at fols. 233r-234r.

• Transcription

In nomine Domini, amen. Simon quondam Batiste Ciarle de Urbino, per gratiam Domini nostri Jesu Christi sanus mente, sensu et intellectu licet corpore languens, timens mortis periculum et nolens intestatus decedere, suarum rerum et bonorum omnium, per presentem suum nuncupativum istrumentum quod dicitur sine scriptis, dispositionem in hunc modum facere procuravit et fecit, videlicet: In primis: cum mors eum eligerit, animam suam comendavit Creatori suo, et eius corpus sepelliri iussit apud ecclesiam Sancti Augustini de Urbino,ibi apud altare Pietatis in ipsa ecclesia. Item, reliquit, iussit, voluit et mandavit quolibet anno viventibus infrascriptis suis filiis mascolis tamen, per ipsos in ipsa ecclesia cellebrari facere unum offitium mortuorum triginta missarum, computatis missis fratruum dicti conventus, pro salute anime ipsius testatoris et eius defunctorum. Item, reliquit pariter quolibet anno predictos eius filios masculos et heredes, in vita eorum, tantum pro eorum rata concurere cum domina Lucia et domina Madalena sororibus ipsius testatoris et cum Augustino eius fratre ad cellebrari faciendum quolibet anno in ecclesia Sancti Francisci de Urbino unum offitium mortuorum sexaginta missarum, computatis missis fratruum dicti conventus, ibi ad altare Sancti Francisci et ad altare Sancti Bonaventure, pro salute animarum olim domine Maxie sororis ipsius testatoris, Raphaelis quondam filii dicte domine Maxie et eorum maiorum deffunctorum. Et hoc volentibus concurere ad predicta dicti Augustinus, domina Lucia et domina Madalena ad faciendum premissa. [seguono altri lasciti alla sorella, alla moglie, ai domestici: suoi eredi universali sono la moglie e i figli Giovanni Battista e Giovanni Francesco] Actum, factum, conditum et publicatum fuit dictum testamentum per eum testatorem et scriptum, lectum et publicatum per me notarium infrascriptum in civitate Urbini, in quadra Porte Nove, in burgo Sancti Pauli, in domo dicti testatoris iuxta stratas a duobus, bona Augustini Batiste Ciarle fratris ipsius testatoris et bona Batiste Bartholomei alias Mavoretto de Urbino [etc.: datato 4 agosto 1520; controfirmato da Matteo di Gero]. Eodem millesimo et die XIII.a eiusdem mensis augusti obiit dictus testator, prout michi rellatum fuit per heredes; et autenticavi et obtuli etc.