• 0
  recto
• 0
  verso

Type:Personal Letter
Language:Italian/Latin
Transcription Author: Matteo Mazzalupi
Published: yes
Publication Details:

• Transcription

Illustrissime domine domine mi eccellentissime, premessa ogni reverente mia chomendazion, questa per significhar a la Vostra Illustrissima Signoria che, achadendomi a honor de la gloriosa Nostra Dona farlli una palla nel tempio de San Chasan de Viniexia, mia ventura ett Idio mediante ttal mia bona volontà ha vogiuto che el lator de la prexente, nominato maistro Antonelo, sole[nni]ssimo depentore, se trovò in questa zittà, al qual non sparagnando denar alchuno, del mexe d’avosto prossimamente pasato ditti tal opera, la quale sin questo dì creduta in chotal termene che in zorni 20 serebe perfeta e finitta, la qual opera, illustrissimo mio signor, serà de le più eczellente opere de penelo che habia Ittalia e fuor d’Ittalia. Unde havendo Vostra Ilustrissima Signoria gustato de le sue opere, per lettre sue a la magnifizenzia de l’orator suo de qui ha schritto non con puocha instanzia ditto maistro da la Eczelenzia Vostra con ogni suo inzenio li persuadi che ’l vegni ett chonferito li hebe per sé per suma bontà e vertù de eso maistro, desideroxo chonpiazer a la Eczelenzia Vostra de haver respeto zircha al fato mio. Io, hodendo ttal chaxone, me chonferì da la magnifizenzia de l’orator per intender se la requesta de la Ilustrissima Signoria Vostra era de sorte che dito pentore potesse finir la pala e poi conferirse a la Ecczelenzia Vostra, unde, intexo el desiderio de la Serennità Vostra, chome bon e fidel servidor suo persuaxi al ditto maistro dovese senza algun respeto chonpiaxer a la Signoria Vostra, e perttanto suplicho chome minimo servidor de la Sublimità Vostra e de grazia spezial dimando che la ditta pala posa eser per esso maistro Antonelo finitta, la qual son zertto chome signor benigno mi vestirà di sua grazia chome dimando. E meritando per le optime vertù e chondezion de eso maistro Antonelo richomandarlo a la Illustrissima Signoria Vostra, reverentemente chomo suo bon servidor quelo richomando, oferendomi quanto so e poso prestissimo ai chomandi de la Ilustrissima Signoria Vostra, a la qual humelmente me richomando. Datum die XVI marzo M°CCCCLXXVI in Venicxia. Petrus Bonus nobilis venetus et servus Serenitati Vestre