• 76
  verso
• 77
  recto

Type:Notarial
Language:Latin
Transcription Author: Matteo Mazzalupi
Published: yes
Publication Details: published by A. Rossi, ‘Contributo alla cronologia della vita e delle opere di Giovanni di Pietro spagnuolo, detto lo Spagna’, Archivio storico dell’arte, II, 1889, p. 314, and by F. Gualdi Sabatini, Giovanni di Pietro detto lo Spagna, Spoleto, 1984, I, pp. 374-375, doc. 20

• Transcription

Sensinus Galassi Mercedis de Asisio, minister fratrum tertii ordinis Beati Francisci, Mechus Salvis Mechi massarius dicti ordinis, Mariottus Hierollimi et Antonius Federici Philipputii de Asisio fratres dicti tertii ordinis, eorum proprio nomine et vice et nomine omnium fratrum dicti tertii ordinis, asserentes predicta et infrascripta facere de voluntate et consensu omnium aliorum fratrum dicti tertii ordinis, sponte etc. dederunt, concesserunt et locaverunt magistro Iohanni alias dicto Spagna, presenti et acceptanti, ad depingendum quandam tabulam que erat in altare Sancte Chatarine posito in ecclesia Sancti Francisci, qui magister Iohannes alias dicto Spagna per se et suos heredes promisit dictis Sensino, Mechi, Mariotto et Antonio dictam tabulam, prout est fabrichata secundum designum per ipsum magistrum Iohannem eisdem datum, [depingere] de bonis coloribus et apponere aurum ubi erit necesse et facere ad usum boni magistri et reddere eam bene pictam et auratam per totum mensem iunii proxime futurum, omnibus sumptibus et expensis dicti magistri Iohannis, et hoc fecit dictus magister Iohannes pro eo quia dicti Sensinus, Meche, Antonius et Mariottus et quilibet eorum in sollidum promiserunt dicto magistro Iohanni, presenti, stipulanti et recipienti pro se et suis heredibus, dare et effectualiter solvere pro eius magisterio et labore florenos centum, ad rationem quinquaginta bononenorum pro quolibet floreno, hoc modo, videlicet tertiam partem dictorum centum florenorum in principio dicti laborerii, aliam tertiam partem in medio dicti laborerii et ultimam terciaciam [sic] usque ad medium mensis augusti proxime futuri, quos centum florenos dictus Sensinus, Meche, Antonius et Mariottus et quilibet eorum in sollidum, renumptiantes exceptioni non numerate pecunie etc., fuerunt contenti et confessi habuisse et recepisse in depositum et nomine depositi ad instanciam dicti magistri Iohannis, presentis etc., et eos retinere et custodire ad omnem eorum et cuiuslibet eorum periculum, rischium et fortunam et, elapsis dictis terminis et quolibet eorum, promiserunt et quilibet eorum promisit reddere et restituere supradictas summas dicto magistro Iohanni ad omnem eius terminum et petitionem, pro quibus solvendis et restituendis dicti Sensinus, Mechus, Mariottus et Antonius obligaverunt et quilibet eorum obligavit dicto magistro Iohanni, presenti etc., se ipsos et omnia eorum bona mobilia et stabilia, presentia et futura, et voluerunt et quilibet eorum voluit cogi et detineri Asisii, Perusii, Rome et ubique locorum terrarum et fori et ubi dictus magister Iohannes ipsos seu quemlibet eorum in sollidum invenerit seu convenire voluerit, quibus locis et terris sponte se submisit et submiserunt in sollidum etc. Cum pacto apposito in presenti instrumento et sollemni stipulatione vallato inter prefatos Sensinum, Mechum, Mariottum et Antonium quod, quando casus evenerit quod dictus magister Iohannes cogeret seu cogi faceret unum vel duos seu tres ipsorum, quilibet dictorum Sensinus, Mechi, Antonius et Mariottus teneatur pro eorum rata solvere quantitatem pro qua esset seu essent choacti ad instanciam dicti magistri Iohannis ad solvendum et expensas, et similiter quilibet eorum promiserunt alterum pro eorum rata indemnem conservare sub refectione dampnorum etc. Promiserunt etc. Que omnia etc. promiserunt etc. Renumptiaverunt etc. Obligaverunt etc. Iuraverunt etc. Et pro predictis omnibus et singulis etc. Rogantes me etc.