• 126
  verso
• 127
  recto

Type:Communal record
Language:Latin
Transcription Author: Maria Rosaria Benvenuti e Maria Paola Bianchi
Published: yes
Publication Details: published by A. Sansi, Storia del Comune di Spoleto dal secolo XII al XVII, seguita da alcune memorie dei tempi posteriori, II, Foligno, 1884, p. 172, note 3, and in Lo Spagna e la sua famiglia, in Giovanni di Pietro. Un pittore spagnolo tra Perugino e Raffaello, exh. cat. (Spoleto, 2004), ed. G. Sapori, Milan, 2004, p. 58, doc. 7
Notes: Transcribed revised by Matteo Mazzalupi

• Transcription

excellentissimi, qui in hac civitate plurimos annos degens nupsit, misso inter eos sollemni partito more solito eoque approbato per palluctas unam et viginti in bussula alba sententiam consulentis approbante repertas, quatuor tantum in contrarium restitutis in bussula rubea non obstantibus, consulente egregio viro Perberardino Sensii, uno ex dicto numero, ex autoritate generalis arenghe Comunis et hominum civitatis Spoleti ipsis concessa et attributa deliberaverunt, elegerunt, fecerunt, constituerunt et sollemniter creaverunt civem spoletanum magistrum Iohannem Hyspanum pictorem et incolam civitatis Spoleti et eius filios, posteros et descendentes, in lineam masculinam dumtaxat, et consortio et numero aliorum civium Spoleti addiderunt et aggregaverunt et pro agregato haberi voluerunt cum honoribus, oneribus, emolumentis, officiis, privilegiis, indultis, exemptionibus et immunitatibus quibus alii cives veri et originarii Spoleti fruuntur et gaudent, dummodo in huius muneris memoriam tapetum pro mensa parva palatii Comunis tradat. Et predicta fecerunt, deliberaverunt, ordinaverunt et sollemniter decreverunt omni meliori modo, via, iure, causa et forma quibus magis et melius de iure et auctoritate eis ut supra concessa fieri potest.