Location: Sezione di Archivio di Stato, Spoleto
Sub-Location: Notarile I, 1384, notaio Mariano di Nicola Martani, cc. 60v-64r
Type:Notarial
Language:Latin
Transcription Author: Luigi Rambotti
Published: yes
Publication Details: published in Lo Spagna e la sua famiglia, in Giovanni di Pietro. Un pittore spagnolo tra Perugino e Raffaello, exh. cat. (Spoleto, 2004), ed. G. Sapori, Milan, 2004, pp. 62-63, doc. 18-19
Notes:

Lo Spagna buys a house in Spoleto from the children of Nicola Martorelli for a price of 200 florins

Artist(s): Giovanni di Pietro detto lo Spagna
Dates: 16.1.1524
In nomine Domini, amen. Anno ab eiusdem salutifera Nativitate millesimo quingentesimo vigesimo quarto, indictione duodecima, tempore sanctissimi in Christo patris et domini nostri domini Clementis divina providentia pape septimi, die vero sexta decima ianuarii. Constitutus coram eximio legum doctore domino Iohanne Baptista Morello de Urbe, magnifice civitatis Spoleti honorando vice potestate et iudice causarum civilium dicte civitatis Spoleti, pro tribunali sedente in quodam scanno ligneo posito in reclaustro domorum heredum domini Perfilippi Martorelli de Spoleto, posito in dicta civitate iuxta domus dictorum heredum et stratam publicam a duobus, quem locum primum et ante omnia pro suo iuridico tribunali elegit et deputavit, Lauterius Nicolai domini Perfilippi predicti, ut frater et coniuncta persona Iulii Cesaris sui fratris, cum dictus Iulius Cesar sit insipiens et res suas facere nesciat nec valeat, petiit eidem per infrascriptum dominum iudicem provideri de legitimo curatore qui eius res et negotia recte faciat et gubernet etc. Qui dominus vice potestas et iudex, ut supra pro tribunali sedens, visa petitione dicti Lauterii et insipientia prefati Iulii Cesaris, decrevit in eius curatorem Honofrium Dulcis de Spoleto quinatum prefati Iulii Cesaris, dicendo "esto curator, esto curator" etc.