• 174
  recto

Type:Notarial
Language:Latin
Transcription Author: Luigi Rambotti
Published: yes
Publication Details: published in Lo Spagna e la sua famiglia, in Giovanni di Pietro. Un pittore spagnolo tra Perugino e Raffaello, exh. cat. (Spoleto, 2004), ed. G. Sapori, Milan, 2004, p. 58, doc. 6
Notes: The document cannot now be traced.

• Transcription

In nomine Domini, amen. Anno ab eiusdem Nativitate millesimo quingentesimo decimo sexto, indictione quarta, tempore pontificatus sanctissimi in Christo patris et domini nostri domini Leonis divina providentia pape decimi, die vero XXVIII augusti. Nobilis vir Nicolaus domini Petri Filippi de Spoleto, constitutus etc., sponte etc., volens recognoscere bonam fidem erga Sanctinam eius filiam et uxorem magistri Iohannis Spagni, sciens illam non congrue dotatam, pro suplimento erga sibi bene placuit, titulo donationis et omni meliori modo dedit et concessit dicto magistro Iohanni Spagne pictori, presenti, stipulanti etc. pro se et dicta eius uxore, comoditatem, usum et habitationem domorum ipsius Nicolai positarum in civitate Spoleti et vaita Domi, iuxta res Bonifatii Mariniohannis, stratam et alia latera, instando, habitando, utendo et fruendo, ita quod nullo tempore possit ab eis de quibus petendam aliquam pensionem seu premium non possit et in nichilo teneantur, et, si aliquis partem aliquam teneret seu occuparet dicte domus, liceat removere et expellere pro libito ipsorum, ita quod remaneant libere et vacue eisdem et non impediantur ipse magistro Iohanni, eius uxor et familia, et hoc per viginti annos alios ultra decem sibi promissos per manus Francisci Mariniohannis, pro quibus observandis obligavit etc., renunctiavit etc., iuravit etc., rogans me notarium etc. Actum Spoleti in domibus mei Benedicti Zuchari, iuxta stratam a pluribus, presentibus dicto Francisco et Antonio Petri de Spoleto testibus etc.