• 104
  recto

Type:Notarial
Language:Latin
Transcription Author: James R. Banker
Published: yes
Publication Details: Identified by E. Battisti, Piero della Francesca, Milan, 1971, p. 226, doc. LXXXII, and published by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, p. 98, doc. CXVIII.
Notes: Transcription by J.R. Banker revised by Matteo Mazzalupi.

• Transcription

Donatio inter vivos filiorum Benedicti Petri. In nomine individue Trinitatis, amen. Anno a nativitate Domini nostri Ihesu Christi millesimo quadringentesimo sexagesimo quinto, indictione tertiadecima, tempore pontificatus domini domini Pauli divina providentia pape secundi et die primo mensis novembris. Actum in Burgo predicto in domo filiorum Benedicti Petri Benedicti, presentibus domino Anestasio Antonii de Anestasiis, Lucha Gualterii Luce, Iohanne Nicolai Dombuosi et Nicolao Ieronimi Mirabucci, Mucio Valentini Cungii, Pierantonio Francisci Angeli Mareschalchi et Nicolao magistri Guasparis omnibus de dicto Burgo, testibus ad hec vocatis et rogatis. Religiosus vir dompnus Lucas Mey Manarie presbiter secularis de Burgo Sancti Sepulcri sponte et ex certa scientia per se et eius heredes et omni meliori modo, via, iure, causa et forma quibus melius potuit ex causa et titulo pure, mere, libere, simplicis et inrevocabilis donationis inter vivos dedit, donavit, cessit, transtulit et mandavit Marcho et Antonio fratribus et filiis condam Benedicti Petri, presentibus et stipulantibus et recipientibus et pro eis et Petro eorum fratre carnali, consanguineis dicti dompni Luce, tamquam benemeritis et condignis, ibidem presentibus et stipulantibus pro eis et dicto Petro et pro suis heredibus et successoribus et iura eorum habituris, quandam domum sitam in Burgo predicto in populo Abbatie Burgi iuxta rem dictorum fratrum et rem Iohannis Mucii Castelucii nunc et olim Andree Pauli Christofori Contenti (?) et viam publicam et alios fines si qui sunt etc. […] Depositum. Dictis die et loco et testibus. Suprascripti Marcus et Antonius, eorum nominibus propriis et vice et nomine dicti Petri, pro quo de rato promiserunt, fuerunt confessi et contenti se esse veros et legiptimos debitores dompni Michelangeli Mey prioris ecclesie Sancti Nicolai de Burgo in quantitate librarum centum denariorum cortonensium, quas confessi fuerunt habere in depositum ab eo, quam quantitatem promiserunt dare et solvere ad omnem sui petitionem et voluntatem […].