• 
  unpag

Type:Notarial
Language:Latin
Transcription Author: John Shearman
Published: yes
Publication Details: The document was first discovered by C. Fea, 'Prodromo di nuove osservazioni e scoperte fatte nelle antichità di Roma', Roma 1816, p. 48; the present transcription is taken from J. Shearman, “ Raphael in early modern sources”, Yale University in association with the Bibliotheca Hertziana Max-Planck-Institut für Kunstgeschichte, New Haven and London 2003, pp. 473-6.
Notes: The text continues with bequests to his children. Th emanuscript is damaged but there is a copy in the Biblioteca Apostolica Vaticana, Archivio Chigi, 11446.

• Transcription

In nomine domini nostri Jesu Christi, amen. Per hoc praesens publicum instrumentum cunctis pateat evidenter et sit notum quod anno a nativitate Domini millesimo quingentesimo decimonono, inditione septima, die vero vigesima octava mensis augusti, pontificatus sanctissimi in Christo patris et domini nostri domini Leonis divina providentia papae decimi anno septimo, Romae in domo magnifici viri domini Augustini Chisii patricii Senensis, sita in regione Transtiberim ad portam Septimianam, in quadam camera prope logiam dictae domus, in praefati sanctissimi domini nostri Papae, qui etiam hodie paulo ante contractui legitimi matrimonii inter ipsum Augustinum et dominam Franciscam Andreanam mulierem Venetam summa sua humanitate interfuit, et mei notarii publice testantiumque infrascriptorum ad haec specialiter rogatorum conspectu et praesentia personaliter constitutus, praefatus magnificus dominus Augustinus Chisius, sanus mente et corpore, qui ex consideratione, ut asseruit, imbecillitatis humanae vitae, ne vehementia alicuius ingratitudinis turbatus res suas in confuso ab intestato omitteret, hoc suum ultimum condidit testamentum, quod jure testamentorum sive codicillorum aut donationis causa mortis aut alterius legitimi ultimae voluntatis tituli, et alias meliori via, modo et causa valere voluit, ita ut infrascripta eius dispositio absque alia contraria juris praesumptione seu interpretatione suum sortiatur effectum. In primis praefatus dominus Augustinus Chisius testator commendavit animam suam omnipotenti Deo eiusque gloriosae matri virgini Mariae et beatis Petro et Paulo ac omnibus sanctis supernae Curiae Celestis, ut pro ipso salvatorem et dominum nostrum Jesum Christum exorent. Item reliquit reverendo patri domino archiepiscopo Senensi ducatos quinquaginta auri, et quod de bonis ipsius testatoris amplius petere non possit. Item voluit quod capella sita in ecclesia monasterii Sanctae Mariae de Populo de Urbe, sub invocatione Sanctae Mariae de Loreto, per ipsum testatorem incepta, perficiatur iuxta ordinationem per ipsum testatorem alias factam, de qua ordinatione magister Raphael de Urbino et magister Antonius de Sancto Marino sunt bene informati. Item voluit ipse Augustinus testator quod de bonis ipsius aemantur bona stabilia, quorum annui fructus, redditus et proventus ad summam ducentorum ducatorum auri ascendant, et praedicto monasterio Sanctae Mariae de Populo pro ipsius capellae dote cum oneribus infrascriptis perpetuo applicentur, videlicet quod prior pro tempore et conventus dicti monasterii teneantur centum ducatos auri similes ex dictis ducentis ducatis annui redditus exponere singulis annis perpetuo in tribus puellis virginibus maritandis, ad honorem et reverentiam intemeratae Virginis Mariae de Loreto praedictae, et etiam quod teneantur ipsi prior et conventus semper et perpetuo manutenere in dicta capella unam lampadem accensam die noctuque pulchram et magnam, et quod singulis diebus dominicis unam missam bassam, et singulis annis in festo nativitatis eiusdem Sanctae Mariae, quod est die octava septembris, unam missam altam et solemnem ad eiusdem Virginis Mariae honorem et reverentiam in dicta capella celebrare similiter teneantur. Et in eventum quod dicti prior pro tempore et conventus praedictus centum ducatos in dictis tribus puellis virginibus maritandis singulis annis perpetuo non exponerent, vel in dicta capella dictam lampadem die noctuque accensam non manutenerent, vel dictas missas non celebrarent ut praefertur, tunc et eo casu dicti ducenti ducati annui redditus perveniant ad Congregationem sive Societatem Beatae Mariae de Minerva de Urbe. Quae omnia et singula praemissa adimplere et manutenere teneantur et debeant. Item voluit quod capella sita in ecclesia Sanctae Mariae de Pace de Urbe, per dictum testatorem similiter incepta, sumptibus ipsius testatoris perficiatur, et illi dentur quinquaginta ducati de redditu singulis annis. Item reliquit et voluit quod capella Sanctae Mariae della Sueca, sita prope alumerias Tulphe Sutrinae diocesis, similiter perficiatur, intus et foris, ipsius testatoris expensis. Item reliquit domum suam, cum stabulo et omnibus casamentis ac ortis et terris ac aliis juribus et pertinentiis suis, sitam in dicta regione Transtiberim [...]