• 6
  recto
• 6
  verso

Type:Notarial
Language:Latin
Transcription Author: James R. Banker
Published: yes
Publication Details: Published by J. R. Banker, Documenti relativi alla Confraternità di Santa Maria della Misericordia e alla tavola di Piero della Francesca, in Ripensando Piero della Francesca. Il polyptych della Misericordia di Sansepolcro. Storia, studi e indagini tecnico-scientifiche, edited by M. Betti, C. Frosinini, P. Refice, Florence, 2010, pp. 28-29, doc. 31, and by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 106-107, doc. CXXIX.
Notes: Transcription by J.R. Banker revised by Matteo Mazzalupi.

• Transcription

Emptio Sanctis et Andree Iohannis Petri. Dictis anno, indictione et pontificatu, die XX mensis februarii. Actum in Burgo predicto in studio domus mei notarii infrascripti, presentibus Mario Antonii Ionte et Gello Mei Rizzi et Gello As… (?) Rizzi et Iacobo Iohannis Gnaldi omnibus de dicto Burgo, testibus ad hec habitis, vocatis et rogatis. Egregii viri Iohannes Antonii Saracini de Burgo, prior Sotietatis Sancte Marie de Misericordia dicte terre Burgi et ut et tamquam unus ex sindicis dicte Societatis, et una cum eo Bartolomeus Antonii Uguciarelli de Burgo predicto et Meus olim Luchini ser Mei Dori, etiam sindici dicte Societatis, eorum nominibus et vice et nomine Antonii Gualterii Luce eorum quarti college et sindici Societatis predicte, prout de eorum mandato publice apparere dixerunt manu ser Manfredi Francisci notarii de dicto Burgo et habere sufficiens mandatum ad huiusmodi actus, omnes simul et invicem auctorantes, dictis nominibus et vice et nomine dicte Societatis et hominum eiusdem, sponte et ex certa scientia ex causa et titulo vere venditionis, iure quidem proprio et in perpetuum per allodium dederunt, vendiderunt et tradiderunt Santi olim Iohannis Petri Orchi (?) de dicto Burgo, ibidem presenti, ementi et recipienti pro se et Andrea eius fratre et pro ambobus eorum et eorum heredibus et subcessoribus et iura sua habituris, unam petiam terre laborative in districtu Burgi in contrata Sagnovis iuxta rem filiorum Bartolomei de Gratianis et rem filiorum Pieri Fei et rem heredum Leonardi Petri et viam vel alios fines, siqui sunt etc., sibi dudum venditam iam sunt anni plures, videlicet in anno Domini millesimo CCCCLX, die XIII mensis augusti, ad tubam (?) in platea communis, quia plus dederunt et seu obtulerunt se daturos quam aliquis alius, et de cuius venditione asseruerunt fuisse solutam gabellam, ad habendum, tenendum, possidendum et quicquid dictis fratribus emptoribus placuerit faciendum, cum omnibus et singulis que infra predictos continentur […]