• 
  unpag

Type:Notarial
Language:Latin
Transcription Author: James R. Banker
Published: yes
Publication Details: Published by G. Milanesi, 'Documenti inediti dell’arte toscana dal XII al XVI secolo', Il Buonarroti, ser. III, II, 1884, pp. 218-219, doc. 142, and by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 111-113, doc. CXXXVII.
Notes: Transcription by J.R. Banker revised by Matteo Mazzalupi.

• Transcription

Quietatio fratrum Sancti Augustini et opere. Die XIIII mensis novembris. Actum in sacrestia loci et conventus ecclesie Sancti Francisci in Burgo Sancti Sepulcri, presentibus ser Christoforo Pieri Sisti, Marcho Paltonis Nannis Petri de Burgo predicto testibus ad hec vocatis, habitis et rogatis et Bartolomeo Massi Mathei de Gharatoli testibus. Magister Petrus Benedicti Petri pictor de Burgo Sancti Sepulcri sponte et ex certa scientia per se et eius heredes et successores fuit confessus et contentus habuisse et recepisse et sibi solutum fuisse et esse se a fratre Iuliano Ugolini, priori loci conventus predicti, et a domino Galeocto Francisci et ser Ugucio Honofrii de dicto Burgo, operariis opere loci et conventus predicti, pro parte pretii tabule altaris maioris dicte ecclesie, picte per dictum magistrum Petrum, ducatos viginti venetos et decem florenos largos et bologninos decem, adscendentes ad summam librarum ducentarum decem denariorum cortonensium, quos sibi solvit dictus dominus Galeoctus, unus ex dictis operariis, videlicet ducatos sedecim venetos de suis propriis pecuniis ad habendum et reperiendum a dicto opere et ducatos quatuordecim, videlicet acceptos muthuo a fratre Alexandro Nicolai Pauli ducatos duos venetos et a fratre Christoforo Sanctis Guaglii florenos tres larghos et unum ducatum venetum, a fratre Christophoro magistri Mathei de Scalo ducatum unum venetum et duos florenos larghos et a fratre Matheo Sanctis Ghuagli florenos quinque larghos et a fratre Francischo Nicolai bologninos decem. A qua quantitate ipsos priorem et operarios absolvit et liberavit et finivit et quietavit etc., faciens sibi de dicta quantitate finem, absolutionem, liberationem et pactum perpetuum de ulterius aliquid non petendo etc., reservato sibi magistro Petro iure in residuo pretii dicte tabule etc., quod residuum est, facto calculo inter eos, libras trecentas septuaginta denariorum cortonensium predictorum. Quod residuum dicti prior et operarii predicti et una cum eis infrascripti fratres et conventuales loci predicti, convocati, congregati et cohadunati ad capitulum in loco predicto ad sonum campenelle ter pulsate de mandato dicti fratris Iuliani prioris predicti, quorum nomina sunt videlicet frater Francischus Nicolai de Burgo, frater Ieronimus Henrigi [*****] de Alemania et frater Iohannes Christophorus Sanctis Guaglii, frater Moyses Antonii de Mediolano et frater Matheus Sanctis de Burgo et ipse frater Iulianus prior, conventuales et capitulares dicti loci et conventus predicti, sponte etc. et ex certa scientia, pro se et eorum successoribus et vice et nomine dicti conventus et opere predicte, et dicti dominus Galeoctus Francisci et ser Ugucius Honofrii, operarii predicti et etiam nominibus eorum propriis etc. et se principales constituendo etc., sponte et ex certa scientia dictis nominibus dictis et quilibet et ipsorum nomine in solidum pro se et eorum successoribus et eorum heredibus promiserunt et convenerunt dicto magistro Petro, presenti et stipulanti et recipienti pro se et suis heredibus et successoribus, dare, solvere, numerare ac satisfacere hinc ad sex menses proxime futuros et inde ad omnem petitionem et voluntatem dicti magistri Petri etc. Et pro predictis omnibus et singulis observandis et adimplendis dicti prior et fratres predicti et dicti operarii dictis nominibus obligaverunt dicto magistro Petro, presenti et stipulanti et recipienti pro se et suis heredibus et successoribus, sese et eorum successores et omnia bona dicti conventus et opere predicte, mobilia et immobilia, presentia et futura, et dicti dominus Galeoctus et ser Ugucius sese eorum nominibus propriis et eorum heredes et bona presentia et futura et quilibet ipsorum in solidum etc. Ac etiam pro maiori et habundantiori petitione dicti magistri Petri, dicti prior et fratres et dicti operarii spetialiter et nominatim et expresse obligaverunt et ipotechaverunt ipsi magistro Petro unam petiam terre vineate site in districtu Burgi in contrata Sancti Leonis iuxta rem filiorum Bartolomey Nannis Pelegrini et rem Luchini Leonis de Gratianis et rem Ieronimi Nicolai Mussilucci et viam publicam et alios fines etc. Agentes de pacto quod, elapso dicto termino, dictus magister Petrus sua propria auctoritate possit et sibi liceat ingredi et intrare et accipere tenutam dicte rei etc. et ex nunc dicti prior et fratres et operarii predicti ex nunc prout et tunc constituerunt se dictam rem pro dicto magistro Petro tenere et possidere etc. et recipere pro iusto pretio extimando per duos vel plures eligendos per dictas partes etc. Que omnia et singula supra et infrascipta dicte partes contrahentes prefati (!) dictis nominibus observare promiserunt etc. sub pena dupli quantitatis predicte etc. cum refectione dampnorum etc. obligatione bonorum etc. Renumptiantes etc. Guarantigia precepi etc.