• 145
  recto
• 145
  verso
• 146
  recto

Type:Notarial
Language:Latin
Transcription Author: Matteo Mazzalupi
Published: yes
Publication Details: Published by M. Mazzalupi, “Uno se parte dal Borgo … e va ad Ancona”. Piero della Francesca in 1450, in “Nuovi studi. Rivista di arte antica e moderna”, XI, 2006, 12, pp. 37-54, and by M. Mazzalupi, 'Regesto documentario', in Pittori ad Ancona in Quattrocento, edited by A. De Marchi and M. Mazzalupi, Milan 2008, pp. 334-372.

• Transcription

Item reliquit dicto Ypolito tertiam partem vinee posite in pertinentiis Ancone in contrata Crucis Prete iuxta vias publicas a tribus lateribus et alia latera. Item reliquit dicto Ypolito omnes terras campivas positas in pertinentiis castri Falconarii iuxta sua latera. Item reliquit dicto Ypolito domum quam comes Felice emit a ser Toma de Mucciaschis de Ancona, et hoc in casu quo infrascriptus eius heres decederet quandocumque sine filiis legitimis et naturalibus, et etiam cum hoc quod, si dictus Ypolitus decederet quandocumque sine filiis legitimis et naturalibus, tunc et eo casu voluit relicta facta dicto Ypolito, videlicet de dictis domo, vinea et terrenis, deveniri ad ecclesiam Sancte Marie Maioris sive Sancti Francisci de Ancona. Item reliquit tutores infrascripto eius heredi et tutrices dominam Riccabellam, dominam Contessam, dominam Diavellam, Armentitium Iohannis de Armentitiis de Ancona, Nicolaum et Iohannem Andree de Aleis, cum hoc quod dicti tutores et tutrices teneantur et debeant ponere pecuniam et mobilia penes Nicolaum et fratres filios condam Andree de Aleis. Suos autem fideicommissarios et executores presentis testamenti et legatorum contentorum in eo reliquit et esse voluit suprascriptas dominam Riccabellam, dominam Contessam et dominam Diavellam filias ipsius testatricis, dictos Armentitium, Nicolaum et Iohannem in solidum, quibus fideicommissariis et executoribus dicta testatrix dedit et concessit licentiam et liberam potestatem eorum propria auctoritate sine alicuius curie seu iudicis requisitione vendendi et alienandi tantum de bonis ipsius testatricis quod sufficiant ad solutionem et satisfationem omnium supradictorum relictorum et legatorum etc. In omnibus aliis suis bonis mobilibus et inmobilibus, iuribus et actionibus realibus et persunalibus seu mistis sibi competentibus et competituris dicta testatrix instituit, fecit, reliquit et esse voluit eius generalem et universalem heredem Iohannembaptistam filium condam comitis Felicis condam comitis Iohannis de Ferrectis de Ancona, cum hoc quod dictus Iohannesbaptista heres debeat stare et habitare in domo domine Diavelle filie dicte testatricis et uxoris condam Andree de Aleis, et etiam cum hac conditione quod dictus Iohannesbaptista heres predictus non possit petere legitimam et trebellianicam siquam dicte testatrici competeret in bonis et hereditate condam comitis Francisci condam comitis Iohannis de Ferrectis et filii ipsius testatricis contra Iacobum filium et heredem dicti condam comitis Francisci et heredes dicti Iacobi, nisi dictus Iacobus decesserit quandocumque sine filiis legitimis et naturalibus, ac etiam cum hac conditione quod, si dictus Iohannesbaptista decederet quandocumque sine filiis legitimis et naturalibus, quod, detractis primo et solutis dictis legatis et relictis supradictis legatariis, illud quod restaret de bonis et hereditate predicta debeat vendi per dictos fideicommissarios