Italian Renaissance Document Site

Dos Pauli Mei et domine Romane Antonii. Suprascriptis anno, indictione, pontificatu et die tertia mensis decembris. Actum in dicto Burgo in ecclesia Abbatie Burgi predicti, presentibus eximiis legis doctoribus Anastaxio Antonii de Anastaxiis, domino Francisco Bartolomini de Ugonibus, Bartolomeo Ambroxii de Bercordatis, Pandulfo Leonis de Gratianis et pluribus aliis testibus de dicto Burgo ad hec vocatis, habitis et rogatis. Meus quondam Angeli Nardi de Pichis de dicto Burgo et Paulus eius filius cum presentia, licentia et consensu dicti Mei sui patris, presentis et consentientis, eidem ambo simul et quilibet in solidum, sponte et ex certa scientia pro se et eorum et cuiuslibet ipsorum heredibus et successoribus fuerunt confessi et contenti se habuisse et recepisse a magistro Petro pictore, Marco et Antonio fratribus et filiis Benedicti Petri, mercatoribus de dicto Burgo, dantibus, solventibus, tradentibus et consignantibus pro dote et nomine et causa dotis domine Romane, neptis dictorum magistri Petri et Marci et filie dicti Antonii et future uxoris in proximo, Domino concedente, dicti Pauli, florenos trecentos quinquaginta ad rationem librarum quinque cortonensium pro quolibet floreno [...]. Cuius crediti montis, iura et actiones dicti magister Petrus et fratres cesserunt, trastulerunt et mandaverunt dictis Meo et Paulo [...]. Debitum dicte dotis. Dicta die, loco et testibus suprascriptis. Non obstante confessione supra facta per dictos Meum et Paulum eius filium de dote predicta ut supra proximum (?) ... (?), suprascripti magister Petrus, Marcus et Antonius fratres predicti, scientes et recognoscentes se debitores fore dictorum Mei et Pauli in dictis florenis trecentis quinquaginta

Piero della Francesca and brothers Marco and Antonio provide a dowry for Romena, daughter of Antonio and future wife of Paolo Pichi, Sansepolcro.