Sub-Location: Riformanze, 1484-1526, fols. 343v-344v
Language:Latin
Transcription Author: D.E. McLellan
Published: yes
Publication Details: Partially published by L. Fumi, Il Duomo di Orvieto e i suoi restauri, Rome, 1891, p. 406, doc. CLV and R. Vischer, Luca Signorelli und die Italianische Renaissance, eine Kunsthistorische Monographie, Leipzig, 1879, p. 346-7;new transcription by D.E. McLellan, Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning, unpublished doctoral thesis, Melbourne University, 1992, no. 353.
Luca Signorelli in Orvieto to receive the commission to paint the vault of the Cappella Nuova.
Artist(s): Luca SignorelliDates: 5.4.1499
intendit habere a camerario predicto, et obtulit facere figuras meliores aut pares similes et conformes aliis figuris existentibus nunc in dicta cappella nova. Dictum consultoris Spectabilis vir Iohannes Lodovicus de Beneincasa civis urbevetanus, unus ex dictis superstitibus dicte fabrice, surgens pedibus animo consulendi super dicta proposita primo et ante omnia omnipotentis Dei eiusque gloriose Virginis Marie nominibus invocatis, dixit et consuluit quod mittatur iterum pro dicto magistro Luca et cum eo habeatur conventio et sibi locetur dicta pictura seu laborerium dicte cappelle nove et fiat eidem unum instrumentum prout est instrumentum magistri Petri perusini et quod dentur dicto magistro Luce, pro eius laboribus et mercede dicte picture cappelle nove, centum octuaginta ducati ad rationem decem et octo grossorum pro quolibet ducato et domus cum uno lecto sumptibus dicte fabrice, cum additione etiam eximii viri domini Simonis de Simoncellis, qui dixit quod figure per ipsum magistrum Lucam fiende sint meliores vel saltem pares, conformes et similes aliis figuris que sunt ibi in dicta cappella nova, sicut etiam dictus magister Lucas sponte promisit in dicta congregatione et colloquio. Deliberatio Quod quidem dictum de commissione dicti camerarii cum decreto dictorum magnificorum dominorum conservatorum fuit missum ad partitum cum dicta aditione dicti domini Simonis et, datis fabis deinde recollectis, fuit obtemptum per fabas quindecim nigras del sic, in contrarium tamen repertis tribus albis del non. Comparitio magistri Luce cum conclusione Postquam iterum comparuit dictus magister Lucas in dicta audientia coram dictis dominis et civibus et, habitis multis ratiociniis, fuit conclusum inter ipsum magistrum Lucam et dictum consilium et camerarium, quod faciat dictum opus videlicet a pedicinis volte supra, et pro pretio habeat centum octuaginta ducatos, ad rationem decem et octo grossorum pro quolibet ducato, et domum pro habitatione cum uno lecto, et aurum et azurum, et pontes et calcem, et alias expensas faciat ipse magister Lucas; cum hystoriis ad beneplacitum camerarii et superstitum et debeat ipse magister Lucas facere figuras a medio supra; et quod debeat interesse toti picture fiende et maxime in rebus importantibus; et quod die vigesima quinta mensis Maii proxime venturi debeat esse hic in Urbeveteri prefatus magister Lucas et incipere dictum opus.
