Sub-Location: Riformanze, 1484-1526, fols. 371v-373r.
Language:Latin
Transcription Author: D.E. McLellan (revised Tom Henry)
Published: yes
Publication Details: Partially published by L. Fumi, Il Duomo di Orvieto e i suoi restauri, Rome, 1891, pp. 408-09, doc. CLXI and R. Vischer, Luca Signorelli und die Italianische Renaissance, eine Kunsthistorische Monographie, Leipzig, 1879, pp. 350-2; new transcription published by D.E. McLellan, Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning, unpublished doctoral thesis, Melbourne University, 1992, no. 363.
Contract with Luca Signorelli for the walls of the Cappella Nuova in Orvieto.
Artist(s): Luca SignorelliDates: 27.4.1500
Reformatio super cappella nova pi[n]genda
Ser Petrustefanus Angeli, unus ex dictis superstitibus, dixit et consuluit quod camerarius possit locare dictam picturam dicto magistro Luce cum capitulis lectis et de vino usque ad vindemias faceat prout melius poterit et in vindemiis dare sibi duodecim salmas musti pro pretio centum ducatorum de carlenis pro qualibet hystoria, et si non esset contentus remittatur in camerarium et superstites. Quod dictum obtentum fuit viva voce
[In margin:]Super eadem
Iohannes Ludovichus Benincasa, alter civis existens in dicta adunantia, dixit et consuluit quod magister Lucas cum figuris veniat usque ad planum fenestrarum et de pretio fiat cum eo prout poterit et residuum fiat prout dedit in designo. Quod dictum similiter obtentum fuit viva voce
[In margin:]Super eadem
Sentius Bartolomei, rector hospitalis, alter civis existens in dicta adunantia, dixit et consuluit quod armarium Assunpte elevetur et ita elevetur cordone existens in dicta cappella ad hoc ut figure sint pulcriores. Quod dictum similiter obtentum fuit viva voce
[In margin:]Locatio picture dicte cappelle magistro Luce
In nomine domini amen. Anno domini 1500, indictione tertia, tempore domini Alexandri divina providentia pape sexti, die vigesimo septimo mensis Aprilis. Egregius vir ser Nicolaus Angeli camerarius operis et fabrice Sancte Marie Maioris de Urbeveteri nec non ser Petrustefanus Angeli, Placidus Odi, Nicolaus Ascanii, Paces Antonii Nebie de Urbeveteri honorandi superstites prefate fabrice et ipsius camerarii ac etiam Iohannes Ludovichus Benincase, Iohannes Barnabei, Angelus domini Dionisii, Lanzilottus Angeli Spere, Sentius Bartolomei rector hospitalis et Crisostimus Iacobi pictor de Urbeveteri, sex cives electi a prefato camerario, vigore decreti publice adunantie dicte fabrice, habentes auctoritatem et omnimodum (?) potestatem ad infrascriptam locationem et cottimum celebrandum et stipulandum ad invicem assistendo et consentiendo, habito inter eos prius maturo colloquio, squitrinio et deliberatione et obtenta ad fabas nigras et albas, more solito, et habitis ac factis super huiusmodi conductione, prout latius in actis et reformationibus dicte fabrice apparet, et viso et maturo discusso ab aliis magistris pictoribus qui vel nequeunt venire vel non existimantur pares ut finire possint pingere infrascriptam capellam novam dicte ecclesie, et viso quod nemo alius bonus pictor et sufficiens ad infrascriptam picturam faciendam inveniri potest, qui pro minori pretio pingat et pingere se obliget infrascriptam cappellam novam, idcirco(?) prefati camerarius, superstites et cives ad invicem assistendo et consentiendo, ut supra, unanimiter et concorditer cupientes ad honorem Dei et sue gloriosissime matris devotionem augendam ornare etiam cappellam publice vocatam la capella nova, sitam a sinistris dicte ecclesie maioris urbevetane ubi simulacrum Assumpte prefate Virginis Marie in armario reconditur, versus palatium apostolicum urbevetanum, nomine dicte fabrice et omni meliori modo via iure, forma quo eis licet per se et suos in dicto offitio
