• 39
  verso
• 40
  recto

Type:Notarial
Language:Latin
Transcription Author: David Franklin and Gino Corti
Published: yes
Publication Details: Summarised by R. Vischer, Luca Signorelli und die Italianische Renaissance, eine Kunsthistorische Monographie, Leipzig, 1879, p. 363; published by T. Henry, Signorelli in British Collections, exh. cat., London (National Gallery), 1998-9, p. 41.

• Transcription

[in margin:] Locatio tabule sive capelle Sancti Ieronimi de Aretio Die 19 mensis Septembris dicti anni 1519. Actum in civitate Aretii, in domibus infrascripti domini auditoris, presentibus Stasio Fabriani Stasii et Mariotto Dominici Tornelli de Aretio, testibus etc. Pateat omnibus etc. qualiter reverendus in Cristo pater dominus Nicolaus Gamurrinus, sacri palatii apostolici camera auditor et: Terinus Iohannis Stefani de Caponsacchis, Matteus Archangeli de Vitalibus, Franciscus Antonii Pauli Pense et Stefanus Pauli ser Stefani de Aretio, quatuor ex sex hominibus habentibus autoritatem ab universitate hominum Societatis Sancti Ieronimi de Aretio, faciendi infrascripta, volentes et intendentes una cum dicto reverendo domino Nicolao fieri facere unam tabulam super altare maius ecclesie Sancti Ieronimi propterea ex parte una, et magister Luchas de Cortonio, pittor, ex parte alia, solemnibus stipulationibus, hinc inde intervenientibus, convenerunt quod dictus magister Luchas teneatur et obligatus sit et sic promisit suprascriptis hominibus presentibus et recipientibus pro dicta Societate, facere et ad integram perfectionem perficere unam tabulam ligneam, rotundam a capite, cum cornicionibus circum circa, duobus pilastris et uno scabello sive predella, infrascriptarum mensurarum, videlicet: Latitudo tabule sine cornicionibus sit eius latitudinis cuius est altare ligneum in dicta ecclesia existens, et altitudinis ad dictam latitudinem convenientis. Predella sive scabellum sit altitudinis brachii unius. Quam quidem tabulam teneatur dictus magister Luchas facere et pingere ad omnes et singulas eius expensas lignaminis, auri et colorum, videlicet cum coloribus finibus, azurro ultramarino et auro fino. In qua quidem pingere debeat infrascriptas fighuras videlicet: In medio tabule, fighuram Marie Virginis cum filio infante in gremio. Et super caput ipsius Virginis fighuram Dei Patris, in medio duorum angelorum. Et ad dextram ipsius Virginis, fighuram Sancti Ieronimi in penitentia, et fighuram Sancti Donati in pontificali. Et ad sinistram fighuram Sancti Nicolai de Bari in pontificali, et fighuram Sancti Stefani et fighuram dicti domini Nicolai ad naturale, flexis genibus. Et sub pedibus dicte fighure Virginis, fighuram unius Prophete ad beneplacitum dictorum hominum. Et in scabello sive predella, similiter pingere debeat ystorias