• 27
  verso
• 28
  recto

Type:Notarial
Language:Latin
Transcription Author: Tom Henry
Published: no
Publication Details: None

• Transcription

Locatio picture pro/ Societate Sanctissimi Yesu In nomine Domini amen, Anno Domini ab eius saluberrima nattivate MDXXI, inditione VIIII, sanctissimo domino nostro Leone papa X, die vero X Iulii. Actum Cortone, in ecclesia Sancti Antonii, posita in terzerio Sancte Marie, iuxta suos notissimos fines, presentibus illic domino Matheo Ioannis Angeli de Tomasiis et Michelangelo Cipriani Michelangeli Benedicti de Cortona, ambobus testibus ad infrascripta vocatis etc. Notum sit omnibus hoc presens publicum instrumentum inspecturi[s] qualiter spectabilis vir Ioannes Nicolai ser Guasparis, prior, ut prior Societatis Sanctissimi Yesu, nec non spectatissimi viri dominus Iohannes Baptista Philippi de Vannutiis, legum doctor, Sebastianus Augustini de Zaffarinis et Sebastianus Dominici Nicolai dicte terre de Cortona, quattor ex hominibus et confratibus dicti Sanctissimi Yesu, per se et eorum successores, dederunt concesserunt et locaverunt prestantissimo viro magistro Luce Egidii de Signorellis de Cortona, pictori, presenti et conducenti, picturam seu opus picture unius nove tabule, quam dicti prior et homines asserunt velle esse pro dicta sotietate et ecclesia superiori dicte sotietatis, videlicet cum figura gloriosissime Virginis Marie, scilicet Conceptionis eiusdem, cum uno Deo patre supra eam existente et cum quattro profetis subter eam existente et cum quattuor angelis et seraphinis circum eam existentibus, prout in quodam designo de carbone per dictum magistrum Lucam facto apparet. Cum his pactis et conditionibus ad invicem habitis et solemni stipulatione vallatis, videlicet quod dictus magister Lucas teneatur et obligatus sit