Italian Renaissance Document Site

Fraternitatis ecclesie Sancte Marie Plebis et magistri Luce. Item postea dictis die XII Martii, pontificatu et inditione iam dictis. Actum in civitate Cortone, in palatio solite residentie dominorum priorum et in aula maiori consilii dicti palatii, iuxta suos notissimos fines, presentibus illic Bernardino Petri Pauli Antonii Iacobi, cognominato Spelle, Angelo Nicolai Sanctis Michaelis et Simone Baldi Francisci, omnibus de dicta civitate Cortone, testibus ad omnia infrascripta vocatis, habitis et rogatis. Spectabilis vir Angelus olim Christofori Angeli Luccii de Cortona, agens et se obligans ad omnia et singula infrascripta ut et tanquam prior in presentiarum fraternitatis Laudum ecclesie cathedralis Sancte Marie Plebis nuncupate, de dicta civitate, per se et suos successores in dicto offitio prioribus et pro et vice et nomine dicte fraternitatis, et non aliter nec alio modo se obligando nisi tanquam prior predictus, cum [plena] licentia, parabola et expresso consensu magnificorum priorum dictorum civitatorum Cortone nunc in offitio residentium, videlicet Nicolai Andree Nicolai de Serris, Pauli ser Cipriani ser Auratoris, Iuliani Guasparis Andree de Sellariis, Angeli Ioannis Angeli de Tomasiis, Andree Marii Andree de Baldachinis et Nicolai Filippi

Luca Signorelli contract for Assumption of the Virgin for the high altar of Santa Maria della Pieve, Cortona.