• 92
  recto
• 92
  verso

Type:Notarial
Language:Latin
Transcription Author: Matteo Mazzalupi
Published: yes
Publication Details: Published by G. Milanesi, 'Documenti inediti dell’arte toscana dal XII al XVI secolo', Il Buonarroti, ser. III, II, 1884, p. 116, doc. 108, and by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 40-41, doc. LIX.

• Transcription

Tabula Sancte Marie de Misericordia. MCCCCXLV etc., die XI mensis iunii, in fundico Christofori ser Nardi, residentie Petri Luce, presentibus Nofrio Francisci de Luzemborgo, Pero Andree Bartolomei et Gilio Petri et Andrea Palmerii testibus rogatis. Egregii viri Petrus Luce Benedicti prior Papus Simonis de Doctis Guasparre Nicolai Martini Ambrosius Massi, consiliarii dicti prioris Iohachinus de Pichis Iulianus de Doctis Iulianus Mathei Ciacii et Michelangelus Massi, homines electi ad hoc, vice et nomine societatis et hominum Sancte Marie de Misericordia, habentes plenum mandatum a dicta societate et hominibus, prout apparet ex libris reformationum dicte societatis, dicto nomine dederunt et concesserunt Petro Benedicti Petri Benedicti pictori ad faciendum et pingendum unam tabulam in oratorio et ecclesia dicte societatis, ad foggiam eius que nunc est, cum toto suo lignamine et omnibus suis sumptibus et expensis de toto fornimento et ornamento picture et positure et locature in dicto oratorio, cum illis ymaginibus et figuris et ornamentis sicut sibi expressum fuerit per suprascriptos priorem et consiliarios vel per suos sucessores in officio et per dictos alios supra electos, et deauratam de fino auro et coloratam de finis coloribus et maxime de azurro ultramarino, cum hac condictione, quod dictus Petrus teneatur ad reaptandum suis expensis omnem maganeam quam faceret et ostenderet dicta tabula in processu temporis usque ad decem annos [aggiunto a margine: propter defectum lignaminis vel ipsius Petri]. Et pro predictis omnibus constituerunt sibi de mercede florenos CL ad rationem librarum V et solidorum V pro floreno, de qua promiserunt dare nunc ad eius petitionem florenos quinquaginta, et residuum finita dicta tabula. Et dictus Petrus promisit dictam tabulam facere et pingere et ornare et ponere ad latitudinem et altitudinem et foggiam prout est illa que nunc est ibi de ligno, et dare expletam et positam et locatam infra tres annos proximos futuros, cum suprascriptis conditionibus et qualitatibus colorum et auri finorum, et quod nullus alius pictor possit ponere manum de penello preter ipsum pictorem.