Italian Renaissance Document Site

Tabula Sancti Augustini. In nomine individue Trinitatis, amen. Anno a Nativitate Domini millesimo quadringentesimo quinquagesimo quarto, indictione secunda, tempore pontificatus domini Nicolai pape quinti, die quarta mensis octobris. Actum in Burgo Sancti Sepulcri in sacristia ecclesie fratrum heremitarum Sancti Augustini, presentibus Nicolao Angeli Iannini aurifice, Iohanne Nofrii Nardi et Iohanne Pauli Chechi, omnibus de Burgo, ac etiam Antonio Christofori de Roti clerico, testibus ad hec vocatis et rogatis. Pateat omnibus evidenter, presens publicum instrumentum inspecturis, qualiter, convocatis et coadunatis et congregatis ad capitulum priore et fratribus ecclesie et loci fratrum heremitarum Sancti Augustini de Burgo Sancti Sepulcri, ad mandatum infrascripti prioris, in sacristia dicte ecclesie ad sonum campanelle ter facte pulsari, ut moris est, in quo capitulo interfuerunt religiosus vir frater Francischus Nicolai de Burgo, ordinis predicti et prior loci et capituli et conventus, et frater Iulianus de Fulgineo lector et predicator, fratre Simone de Burgo etiam lectore (!), frater Angelus Nicolai de Burgo, fratre Petro (!) Iohannis et fratre Iohanne Iohannis de Alamania, facientes et constituentes capitulum in dicto loco et sibi invicem auctorantes vice et nomine dicti loci et capituli et conventus dictorum fratrum, et prudentes viri Nannes Cischii et ser Ughucius Nofrii de Luzimborgho, operarii ecclesie loci predicti una cum dictis priore et fratribus, ac etiam Angelus Iohannis Simonis Angeli de dicto Burgo, ex devotione et pro satisfactione voluntatum Simonis sui olim fratris et domine Iohanne olim uxoris dicti Simonis ac sue ipsius dicti Angeli cognate, omnes simul in invicem, sponte et ex certa scientia locaverunt et concesserunt, per se et eorum subcessores, magistro Petro Benedicti Petri de dicto Burgo pictori, presenti et conducenti, tabulam ecclesie et altaris maioris ecclesie loci predicti ad pingendum et ornandum et deaurandum cum illis ymaginibus, figuris, picturis et ornamentis de quibus remanserunt et asseruerunt esse in plena concordia et apparere inter eos posse et debere quandam scriptam sive appodissam manu dicti ser Ugucii et subscriptam manu dicti prioris ac Nannis alterius operarii et dicti magistri Petri pictoris, ad quam dicti contrahentes dictis nominibus et partes predicte se retulerunt, habentes hic pro apposita et mentionata et registrata, pro pretio, salario et seu mercede florenorum trecentorum viginti, ad rationem librarum quinque cortonensium pro quolibet floreno, de quo salario et mercede et pro parte dicti salarii et mercedis dictus Angelus, sub dictis intentionibus et amore Dei et pro anima dicti olim sui fratris et dicte sue cognate et sua et suorum predecessorum, dedit et tradidit et numerare promisit dicto magistro Petro in pecunia numerata florenos centum ad dictam rationem ad omnem dicti magistri Petri petitionem et voluntatem in una parte, et in alia parte dedit, tradidit et concessit in solutionem et pagamentum, iure proprio et in perpetuum pro allodio, dicto magistro Petro, presenti, stipulanti et recipienti ex dicta causa, unam petiam terre laborative in districtu Burgi in contrata Palatii Abbatie Burgi, iuxta rem dicte Abbatie et vias a duobus et rem dicti Angeli, ad habendum, tenendum, possidendum etc. cum iuribus et pertinentiis suis, cedens et mandans etc. omnia iura et actiones etc. constituens eum dominum et procuratorem in rem suam etc. ponens eum in locum suum etc. constituens pro eo possidere etc. et dedit licentiam etc. et promisit sibi non tollere etc. sed ab omni persona etc. legitime defendere etc. se et eius heredes et bona pro defensione et evictione in singulis casibus obligando. Et hoc pro extimatione fienda de dicta re per duos bonos

Piero della Francesca receives the commission for an altarpiece for the main altar of the church of Sant'Agostino in Sansepolcro.