Italian Renaissance Document Site

viros per ipsum Angelum et magistrum Petrum eligendos, quorum declarationi stare et parere promiserunt sub infrascripta pena. Et ultra etiam dictas quantitates dictorum centum florenorum et summam ad quam adscendet extimatio et pretium dicte rei in solutum concesse, promisit ipse Angelus per se et eius heredes dicto magistro Petro, legitime stipulanti, dare et solvere et numerare sibi, post tamen complementum dicte tabule, florenos quinquaginta ad rationem suprascriptam librarum quinque cortonensium pro floreno. Et reliquum dicti salarii et mercedis dicte picture et ornamenti, usque in dictam summam florenorum trecentorum viginti, promiserunt supranominati prior et fratres conventuales et capitulares dicti loci et cum eis etiam suprascripti Nannes et ser Ugucius operarii, vice et nominibus quibus supra et per se et eorum subcessores, dicto magistro Petro, legitime stipulanti, solvere et satisfacere, hoc eodem opere dicte picture et ornamenti dicte tabule perfecto et completo, ad omnem petitionem et voluntatem dicti magistri. Et ultra etiam dederunt et assignaverunt dicto magistro Petro dictam tabulam sic pingendam et ornandam et figurandam, que est de tabulis, compositam et laboratam de lignamine, in dicta sacristia, solutam et factam fieri et fabricare per dictum Angelum sub dictis intentionibus. Et hoc fecerunt quia dictus magister Petrus pictor ex certa scientia promisit et convenit dictis priori, fratribus, operariis et Angelo, vice et nominibus dicte ecclesie et loci et capituli et conventus et operum, dictam tabulam, sic compositam et fabricatam de lignamine et sibi oblatam et assignatam per eos, pingere et imaginari et ornare de bonis et finis coloribus et auro et argento et aliis ornamentis et de illis ymaginibus et figuris de quibus scriptum est et esse dixerunt sigillatim in dicta appodissa et scripta et scriptura manu dicti ser Ugucii et subscripta sicut supra dictum est et expressum, et dare eam fulcitam et completam per hinc ad annos octo proxime futuros, bene, diligenter et fideliter et de bono magisterio, videlicet tantum ex latere anteriori versus altare respiciens (!) et non ex latere posteriori, quia sic in plena concordia fuerunt contrahentes predicti dictis nominibus. Que omnia et singula supra et infrascripta promiserunt et convenerunt supranominati contrahentes nominibus suprascriptis et ut supra sibi invicem et vicissim firma et rata habere, tenere, facere et observare et contra non facere vel venire, per se vel alios, aliqua ratione vel causa, de iure vel de facto seu colore quesito, sub pena dupli dicte quantitatis et mercedis, rato semper manente hoc instrumento et appodissa et scriptura de qua supra, promissa solempni stipulatione, cum refectione dampnorum, interesse et expensarum litis et extra etc. Pro quibus omnibus et singulis supra et infrascriptis observandis et adimplendis prefati prior et fratres et operarii obligaverunt dicto magistro Petro omnia bona dicte ecclesie et loci et capituli et conventus et operum, et dictus Angelus se et eius heredes et bona, singula singulis congrue referendo. Et versa vice dictus magister Petrus obligavit eis se suosque heredes et bona omnia presentia et futura. Renuntiantes in his hinc inde beneficio et exceptioni dicte concessionis et conductionis et pactorum et conventionum et obligationum non factorum etc. Guarentigiam precepi etc. Ego Marius olim ser Mathei ser Angeli de Burgo Sancti Sepulcri, imperiali auctoritate iudex ordinarius et notarius publicus, suprascriptis omnibus et singulis interfui eaque omnia rogatus scripsi et publicavi.

Piero della Francesca receives the commission for an altarpiece for the main altar of the church of Sant'Agostino in Sansepolcro.