• 238
  verso
• 239
  recto
• 239
  verso

Type:Notarial
Language:Latin
Transcription Author: Tom Henry revised by Margherita Cinti
Published: yes
Publication Details: Referred to by G. Mancini, Vita di Luca Signorelli, Florence, 1903, p. 166.

• Transcription

qualiter die XX presentis mensis proxime preterita per me Nicholaum notarum supra et infrascriptum tamque comissarium reverendi in Christo patris et domini Gentilis Carlini iuriium utriusque doctoris et sacre penitentiarie auditoris commissarii et iudici apostolici cause et causarum vertentis et vertentium inter ipsam dominam abbatissam et moniales dicti monasterii exuna: et sororem Matheam Dominici Simonis sororem dicti monasterii de Cortona partibus ex altera citata et citate requisita et requisite fuerunt ut comperere deberent coram ipso domino commissario per se vel procuratores et prout et sicut de huiusmodi citatione publico constat instrumento et illud constare dixit et sic constat scripto rogato et pubblicato per me Nicholaum notarium supra et infrascriptum sub supradicta die XX ad quod relatio habeatur: Considerans quam de inde dicta domina abbatissa nominibus suprascriptis dictam sororem Mattheam fovere iustitiam, sibique in ingressu per eam facto in dicto monasterio promissum fuisse locum de quo litigatur et his vertitur: et si ipsa domina abbatissa sueque moniales persequerentur litem et lites huiusmodi succumberent, et contra conscientiam litigarent, et fortasse in expensis condamnarentur non sine conscientie onus et gravamen. Idcirco ad evitandum omnia et singula premissa damna et censuras expensas et in commoda quibus incurrere ipsa monialesque sue possent si litem huiusmodi prosequerentur renuntiavit et annullavit dictum terminum citationis et dictam sententiam et dictum preceptum dicte sorori Mathee per dominum vicarium domini episcopis cortonensis. Et offert se paratam dictam sororem Mattheam in dicto loco, in capitulo, in choro ad mensam, et in omnibus aliis locis dicti monasterii manutenere et preservare, et omnia alia facere, dicere observare, et adimplere ad que ipsa, monialesque sue tenetur et obligate sunt dicta sorori Matthee pro observantia dicte promissionis per eas ut premittitur sibi sorori Mattee facte: que soror Mathea ibidem presens et auditis et intelletis omnibus et singulis suprascriptis ea omnia et singula aceptavit et aceptat citra tamen revocationem sui principalis procuratoris et abeo substituti: promitensque domina abbatissa nomine et nominibus predictis, predicta omnia et singula rata