• 249
  recto

Type:Notarial
Language:Latin
Transcription Author: Carlo Grigioni
Published: yes
Publication Details: Published by C. Grigioni, 'Un soggiorno ignorato di Piero della Francesca in Rimini', Rassegna bibliografica dell'arte italiana, XII, 1909, p. 120, and by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 169-170, doc. CCXXVI.
Notes: Transcription by C. Grigioni revised by M. Mazzalupi.

• Transcription

Egregius vir magister Petrus quondam Benedicti Francischi de Burgo Sancti Sepulcri pictor per se et suos heredes obligando conduxit ad naulem et ex causa nauli pro uno anno proxime venturi, incipiendo in kalendis mai proxime venturis et finiendo ut sequitur, a nobili muliere domina Iacoba uxore quondam Ganimedis de Bonellis tempore sue vite et mortis de Ariminio, presenti, danti et locanti pro se et suis heredibus, unam cameram cum una guardacamera existente supra domo habitationis dicte domine, positam in civitate Armini in contrata Sancti Simonis, cui a primo latere via, a 2° androna, a 3° Romanus a Gabiliis et alia latera. Et etiam cum usu andete cortilis et orti et putei dicte domus et cuiusdam alterius mansionis a lignis et vino in dicta domo. Quam cameram et domum tenere et uti arbitrio boni viri. Et pro naulo et nomine nauli promisit dicte domine Iacobe, presenti et aceptanti pro se et suis heredibus, eidem dare, solvere et numerare libras sex denariorum in quatrenis, de qua quantitate dictus magister Petrus dedit, solvit et personaliter numeravit libras tres denariorum in uno ducato auri in presentia mei notarii et testium infrascriptorum. Et residuum promisit dare et solvere secundum formam statutorum Arimini hic in civitate Arimini. Actum in civitate Arimini in contrata Sancte Marie in Trivio in domo domini Ranerii de Melioratis de Arimino, in quadam caminata pedeplana, presentibus prefato domino Ranerio, magistro Gabriele quondam Stephani pictore et Augustino Gasparis Blanchini de Arimino testibus.