Italian Renaissance Document Site

Clemens episcopus servus servorum Dei Venerabili fratri episcopo Vigorniensi ac Vicario venerabilis fratris nostri episcopi Cortonensis in spiritualibus generali salutem et apostolicam benedictionem. Significavit nobis dilectus filius Thomas filius et heres quondam magistri Luce pictoris de Signorelis laicus cortonensis quod nonnulli iniquitatis filii, quos prorsus ignorat, nonnullas denariorum et pecuniarum quantitates tam in solutu datas quam penes se per dictum quondam magistrum Lucham depositas et sibi mutuatas nec non fructus redditus proventus terras domos molendina possessiones ortos vincas campos prata pascua nemora silvas arbores arborum fructus aquarum decursus vim bladi frumenti ordei avene lini lane cere olei auri argenti monetati et non monetati ac aliarum rerum quantitates tasseas ciphos discos scutellas vasa aurea argentea era cuprea stamnea pannos lineos laneos sericeos vestes tunicas mantellos zonas annulos perlas monilia et alia iocalia lectos culcitras lintemina mappas manutergia et alia domorum utensilia equos oves boves vaccas et alia animalia litteras instrumenta prothocolla obligationes cedulas et alias scripturas publicas et privatas testamenta codicillos et alia documenta debita credita legata mutua deposita iura iurisdictiones pecuniarum summas et nonnulla alia mobilia et immobilia bona ad dictum significantem tam [………..] ne sue et successionis hereditarie dicti magistri Luce eius patre cuius her[…….] na alias legitime spect[……..] et maliciose occultare et occulte detinere presumunt non curantes ea dicto significanti confiteri exhibere et revellare in animarum suarum periculum et ipsius Thome non modicum detrimentum super quo idem Thomas signficans apostolice sedis remedium imploravit. Quocirca discretioni vestre per apostolica scripta mandamus quatenus omnes huiusmodi censuum, fructuum et aliorum bonorum predictorum detentores occultos ex parte nostra publice in ecclesia coram populo per vos vel alium seu alios moneatis ut infra competentem terminum quem eius prefixeritis ea dicto significanti a se debita restituant et revelent ac de premissi plenam et debitam satisfactionem impendant et si id non adimpleverint infra alium competentem terminum quem eis ad hoc peremptorie duxeritis prefigendum ex tunc in eos generale excomunicationis sententiam proferatis ac eam faciatis ubi et quando expedire videritis usque ad satisfactionem condignam solemniter publicari. Quod si non ambo hiis exequendis potueritis interesse alter vestrorum ea nihilominus exequatur. Datum Rome apud sanctum Petrum anno incarnationis dominice millesimo quingentesimo vigesimo tertio quarta nonis ianuarii pontificatus nostri anno primo. Iorde Talleoleti

Papal bull to Tommaso Signorelli with reference to Luca Signorelli’s inheritance.