• 368
  recto
• 368
  verso

Type:Institutional record
Language:Latin
Transcription Author: Dugald McLellan
Published: yes
Publication Details: Partially published by L. Fumi, Il Duomo di Orvieto e i suoi restauri, Rome, 1891, pp. 409, doc. CLXII and R. Vischer, Luca Signorelli und die Italianische Renaissance, eine Kunsthistorische Monographie, Leipzig, 1879, pp. 349-50; new transcription by D.E. McLellan, Luca Signorelli’s Last Judgement Fresco Cycle at Orvieto: An Interpretation of the Fears and Hopes of the Comune and People of Orvieto at a Time of Reckoning, unpublished doctoral thesis, Melbourne University, 1992, no. 366 (and Andreani 1996, doc. 229, pp. 435-36).

• Transcription

[In margin:] Refutatio magistri Luce de Cortona pictoris facta fabrice In nomine Domini amen. Anno Domini millesimo quingentesimo, indictione tertia, tempore pontificatus sanctissimi in Christo patris et domini nostri domini Alexandri divina providentia pape sexti, die vero decima mensis Iunii. Providus et discretus vir magister Lucas pictor de Cortona, in presentia mei notarii et testium infrascriptorum, per se et suos heredes et successores sponte confessus fuit habuisse et recepisse a spectabili viro Placido Oddi, olim camerario precessore operis et fabrice Sancte Marie Maioris de Urbeveteri, presenti stipulanti et recipienti per se et vice et nomine dicte fabrice et suorum in dicto officio successores, in totum ducatos nonaginta et libras tres denariorum ad rationem decem et octo grossorum pro quolibet ducato iam eidem magistro Luce debitos et debitas per dictam fabricam, occasione laborerii et picture cappelle nove dicte ecclesie et prout supra dicitur patere in eius locatione, de quibus dictis nonaginta ducatis ad dictam rationem et libris tribus denariorum dictus magister Lucas vocavit se esse bene solutum et satisfactum integraliter a dicto Placido.