• 105
  recto

Type:Notarial
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, pp. 259-260 (previously in B. Orsini, 'Vita, elogio e memorie dell'egregio pittore Pietro Perugino and degli scolari di esso', Perugia, 1804, p. 224).

• Transcription

Canonicorum S. Gervasi et Magistri Petri Pictoris conventio in pictura. In nomine Domini, Amen. Notum sit quibuscumque omnibus hoc praesens publicum Instrumentum inspecturis, qualiter venerabiles religiosi viri Ser Marchisinus Cristoferi Manni Prior Ecclesiae S. Gervasi de Castro Plebis, et Ser Franciscus Iohannis Guiducci etiam Canonicus dictae Ecclesiae, atque etiam Bernardinus Antonii Orlandi, Santeses Ecclesiae praedictae, omnes de terra Castri Plebis, per se eorumque ipsorum successorum, etc., pepigerunt, et conventionem fecerunt cum egregio et peritissimo in arte viro, Mag. Petro Cristoferi Vannuccioli, etiam de Castro Plebis, pictori singularissimo, ibidem praesenti, et stipulanti pro se suisque haeredibus et successoribus, et taliter, etc.: videlicet quatenus idem Mag. Petrus, ex conventionibus inter eos factis, teneatur, et debeat depingere quamdam tabulam altaris magni in dicta Ecclesia S. Gervasii, secundum proportionem ac designationem factam ac datam inter eos; quae quidem tabula sit depicta ad ipsum altare magnum, sit et esse debere sufficienter deaurata, secundum quod opus finiatur et ipsius condecentiam circum circa, videlicet ubi expedire videbitur - in qua quidem tabula sit, ut profertur, depingenda. Idem Mag. Petrus teneatur sex figuras magnas depingere proportionatas, prout condecens fuerit, et opportunum huius stili: Gloriosam Virginem, cum eodem Filio praestantissimo in medio tabulae praedictae sedentem, et hos Sanctos a lateribus ipsius, videlicet S. Petrum, S. Paulum, S. Gervasium et S. Protasium, et supra etiam figuram B. Virginis superius Deum Patrem depingendum esse voluerunt; et haec omnia, ac etiam totum ipsius opus tam lignaminis quam et omnium aliarum quarumeumque, et omnium quae in huiusmodi requiritur, omnibus sumptibus et expensis praefati Magistri Petri, ita et taliter quod praefati religiosi viri ac etiam Bernardinus praefatus nil penitus in dicto opere sive opificio faciendo persolvere teneantur. Quod quidem opus, seu opificium totum, ipse Mag. Petrus teneatur et debeat complevisse, et ad perfectionem integram perduxisse, per tempus ac spatium unius anni, die praesenti incepturi, et finientis ut sequitur. Et ita praefatus Mag. Petrus teneri voluit ac sponte se obligatum esse; et hoc ideo idem Mag. Petrus fecit ex eo quia praefati religiosi viri et Bernardinus praedictus per se, etc. promiserunt, et convenerunt dicto Mag. Petro dare et solvere pro toto dicto opere ac opificio, et tam pro labore suo proprio quam etiam pro omnibus et singulis aliis, quae requiruntur et huiusmodi expediuntur, ut dictum est supra, flor. 130 nostrae monetae curr. in Castro Plebis, videlicet ad rat. bolonenorum 40 novorum pro singulo flor. De qua quidem pecuniarum quantitate […] quam et pro parte pagamenti et mercedis suae, idem Mag. Petrus ad praesens habuit et recepit in contancti, in praesentia dictorum testium et mei Not., in duc. aureos, flor. 30. De quibus quidem flor. triginta fecit supradictis finem, refutationem, etc. ; quae quidem omnia suprascripta tam ipsi religiosi viri sacerdotes, et Bernardinus praefati, quam etiam praedictus Mag. Petrus promiserunt, convenerunt sibi unanimiter semper et omni tempore habere pro rata grata et firma, ad poenam dupli quantitatis. Quam poenam solvere promiserunt, etc.. Actum in terra Castri Plebis, in apotecha aromataria Mariani Francisci per eum conducta ab Hospitali Sanctae Mariae Scalarum de Senis, sub dicto Millesimo (1507) Ind. et Pont., in platea publica communis, et die 14 Mensis Aprilis, praesentibus Raimundo Sebastiani, Honofrio Egidii Honofri de Castro Plebis, testibus vocatis, et mihi Notario notis.