• 
  unpag
• 
  unpag

Type:Notarial
Language:Latin
Transcription Author: James R. Banker
Published: yes
Publication Details: Identified by E. Battisti, Piero della Francesca, Milan, 1971, II, p. 235, doc. CLXIX, and published by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 159-162, docc. CCXI-CCXIII.
Notes: An abbreviated version of the first act can be found in reg. 7003 (doc. 590). Transcription by J.R. Banker revised by Matteo Mazzalupi.

• Transcription

Promissio dicte dotis. Dictis anno, indictione, pontificatu, mense, die, loco et testibus. Suprascriptus Gaspar ser Iohannis Mathei de Paulis de Monte Varchio sponte et ex certa scientia per se et eius heredes, confitens et recognoscens se verum et legiptimum debitorem esse dictorum magistri Petri, Marci et Antonii fratrum et filiorum olim Benedicti Petri de Francischis de dicto Burgo et Francisci filii dicti Marci in dicta quantitate dicte dotis dicte domine Laudomie filie dicti Gasparis et uxoris de proximo dicti Francisci, secundum quod fuerit declaratum et seu declarationem fiendam per supradictos Angelum et Nicolosum declaratores predictos, non obstante confessione dotis prefate facta per dictos magistrum Petrum, Marchum, Antonium et Francischum in suprascripto instrumento dotali nec aliquibus in dicto instrumento contentis obstantibus, promisit solempniter se obligando dictis magistro Petro, Marcho, Antonio et Francischo, ibidem presentibus, stipulantibus et recipientibus pro eis et eorum heredibus, dictam quantitatem dicte dotis secundum declarationem fiendam per dictos declaratores dare, solvere, numerare ac satisfacere in pecunia vel bonis in terminis, locis, modis, condictionibus et pactis secundum quod fuerit declaratum per dictos declaratores et abinde in posterum ad omnem dictorum magistri Petri, Marci, Antonii et Francisci et cuiuscumque eorum dictis nominibus petitionem et voluntatem [...]. Matrimonium predictorum. Dicta die et testibus. Actum in domo dicti Gasparis posita in castro Montis Varchii iuxta stratam publicam et alios fines. Supradicta domina Laudomia filia dicti Gasparis ex una, cum presentia, licentia et consensu dicti sui patris, et dictus Francischus Marci Benedicti, cum presentia, licentia, auctoritate et consensu dicti Marci sui patris, ex alia sponte et ex certa scientia per verba de presenti mutuo consensu et anuli dationem et receptionem, invicem complacentes, ad interrogationem mei notarii infrascripti et responsionem eorum del sic matrimonium inter se legiptime contrasserunt. Rogantes me notarium etc.