• 
  unpag
• 
  unpag

Type:Notarial
Language:Latin
Transcription Author: James R. Banker
Published: yes
Publication Details: Identified by E. Battisti, Piero della Francesca, Milan, 1971, II, p. 235, doc. CLXIX, and published by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, pp. 159-162, docc. CCXI-CCXIII.
Notes: An abbreviated version of the first act can be found in reg. 7003 (doc. 590). Transcription by J.R. Banker revised by Matteo Mazzalupi.

• Transcription

Dos domine Laudonie (!) Guasparis de Montevarchio et Francisci Marci Benedicti de Francischis. Dictis anno, indictione, pontificatu et die quinta decima mensis iulii. Actum in terra Montis Varchi in ecclesia Sancti Laurentii dicte terre, presentibus ser Iacobo ser Pieri de Bucino, Uliverio Biondi Dominici de Monte Varchio, domino Iohanfrancischo domini Pellegrini de Bofulcis et Ugolino Fei Francisci et Vicho Ughiccionis Vici omnibus tribus de Burgo Sancti Sepulcri testibus ad hec vocatis, adhibitis et rogatis. Magister Petrus et Marchus et Antonius fratres et condam filii Benedicti Petri de Franceschis de Burgo Sanctis Sepulcri et Francischus filius dicti Marci, agens dictus Francischus hec omnia infrascripta et in presenti instrumento contenta et comprehensa cum presentia, licentia et consensu et auctoritate dicti Marci sui patris ibidem presentis et dicto Francischo eius filio eius paternam licentiam, consensum et auctoritatem prestantis ad hec omnia infrascripta et in presenti instrumento contenta et comprehensa, et etiam cum presentia et consensu dictorum magistri Petri et Antonii eius patruorum etc., omnes predicti magister Petrus, Marcus et Antonius et Francischus simul sponte et ex certa [scientia] per se et eorum heredes et successores fuerunt confessi et contenti habuisse et recepisse et eis datum, solutum et numeratum fuisse et esse a Guasparre olim ser Iohannis Mathei de Paulis de Monte Varchio predicto, districtus Florentie, dante et solvente pro dote et nomine dotis domine Laudonie (!) sue filie dicti Guasparris et uxoris de proximo future dicti Francisci, quantitatem in pecunia numerata vel bonis secundum declarationem fiendam per Angelum Iacobi Checchi Gai et Nicolosum Andree de Rigis ambos de dicta terra Burgi, presentes et acceptantes [...].