Italian Renaissance Document Site

Dicta die et loco, presentibus Laurentio Thadey Simonis Signorutii et Berardino magistri Francisci Angeli mareschalchi de Burgo predicto testibus ad hec vocatis et rogatis. Magister Petrus pictor olim Benedicti Petri de Franceschis de Burgo Sancti Sepulcri et Marchus et Antonius fratres carnales dicti magistri Petri et olim filii dicti Benedicti, sponte et omni meliori modo, via, iure, causa et forma qua et quibus magis et melius potuerunt et de iure fieri potest et debet, tam simul quam divisim et quilibet de per se et in solidum, fecerunt et constituerunt, ordinaverunt atque creaverunt eorum et cuiusque ipsorum veros et legiptimos procuratores, actores, factores et certos nunptios speciales et mandatarios Bernardum Andree de Griffonibus aretinum et Lodovicum alias Vicho filium dicti Antonii, licet absentes sed tanquam presentes, et quemlibet ipsorum in solidum ita quod inter eos non sit potior condictio occupantis, sed quod per unumquemque inceptum fuerit alter eorum possit prosequi et finire, in causa seu causis, una vel pluribus, quam vel quas dicti constituentes tam simul quam divisim et de per se et in solidum habent vel habituri sunt vel habere intendunt cum quibuscunque hominibus et personis, loco, communi, corpore, collegio et universitate, tam pro pictura seu picturis factis per dictum magistrum Petrum pluribus et pluribus personis tam in civitate Aretii quam alibi ubique locorum, hic habitis pro expressis et pro expecificatis, quam etiam pro mercantiis et pretio merchantiarum quarumcumque venditarum et traditarum per ipsos constituentes vel aliquem ipsorum cuicumque persone seu quibuscunque hominibus et personis tam ecclesiasticis quam secularibus, quomodocumque et qualitercumque, pro quocumque pretio et quantitate, tam in dicta civitate Aretii quam alibi ubique, hic habitis pro expressis et pro expecificatis, et quacumque alia ratione, occasione, iure vel causa, quomodocumque et qualitercumque dicti constituentes et quilibet ipsorum in solidum recipere et habere deberent, tam in curia presentis domini potestatis dicte civitatis Aretii quam futurorum, et generaliter in quacumque alia curia tam ecclesiastica quam seculari et tam dicte civitatis Aretii quam aliunde, hic habitis pro expressis et pro exspecificatis, et coram quocumque iudice vel officiali, commissario, delegato et subdelegato, presentibus et futuris et tam ecclesiasticis quam secularibus, et seu quocumque offitio, dignitate et quovis nomine fungentibus, et tam in agendo quam in defendendo et protestando et ad libellum seu libellos, petitiones, terminos et dillationes dandum, petendum et recipiendum, litem seu lites quaslibet contestandum, de calumpnia iurandum et cuiuslibet alterius generis iuramenta prestandum, ferendum et referendum, ponendum et articulandum, et positionibus et capitulis et articulis et interrogationibus preparatoriis ad iudicium respondendum, … (?) et faciendum per adversam partem, et positionibus et capitulis et articulis et interrogationibus preparatoriis ad iudicium producendis per adversam partem respondendum, confitendo vel negando semel et pluries prout et sicut dictis eorum procuratoribus et mandatariis et cuilibet eorum in solidum et substituendis ab eis vel ab aliquo eorum videbitur et placebit et veritas suadebit; testes, instrumenta, probationes et iura quelibet dictorum constituentium et cuiuslibet eorum inducendum et producendum, utendum et allegandum, ipsosque testes citari, requisiri, moneri, irritari, recipi et examinari petendum et faciendum, sententias, pronumptiationes tam interlocutorias quam definitivas ac precepta quecumque audiendum et proferri et fieri faciendum, dandum et acceptandum et eas et ea excipiendum et executioni mandandum, petendum et faciendum semel et pluries, prout et sicut dictis eorum procuratoribus et mandatariis et substituendis ab eis et cuilibet eorum videbitur et placebit et expediens fuerit, contra quoscumque debitores dictorum constituentium et cuiuslibet eorum, pro quolibet debito et quantitate et summa et quacumque de causa et contra quoscumque possessores et iniuste detemptores quoruncumque bonorum spectantium et pertinentium ad dictos constituentes et quemlibet eorum, et contra testes, instrumenta, probationes et iura quelibet adverse partis seu adversarum partium opponendum et eccipiendum et de nullitate dicendum et allegandum, et si quis fuerit de falso redarguendum et reprobandum, consilia petendum, iudices et consultores eligendum, recusandum suspectos et confidatos dandum, salaria deponendum et solvendum, in causa seu causis concludendum et allegandum semel et pluries, prout expediens fuerit et necesse, et a sententiis et pronunptiationibus tam interlocutoriis quam deffinitivis et a preceptis et aliis quibuscumque gravaminibus appellandum, … (?) et provocandum ad quemlibet iudicem competentem seu ad quoslibet iudices competentes, et de nullitate, iniquitate, gravamine et iniustitia dicendum, protestandum et allegandum semel et pluries et totiens quotiens opus fuerit. Item ad faciendum capi et detineri personaliter et incarcerari et realiter gravari quoscumque debitores dictorum constituentium et cuiuslibet eorum, pro quocumque debito et quacumque summa et quantitate ipsis constituentibus debita et cuilibet eorum debita seu debitis vel debendis quacumque occasione, iure, ratione vel causa, et dictos captos et detemptos et carceratos liberari et relapsari facere semel vel pluries et quotiens dictis eorum procuratoribus et mandatriis et substituendis ab eis videbitur. Item ad faciendum … (?) et sequestrari et arestari omnia et quecumque bona et res et pecunias quorumcumque debitorum et debendorum dictorum constituentium et cuiuslibet eorum, pro quocumque debito et summa et quantitate, quacumque occasione,

Piero della Francesca and his brothers appoint two procurators to manage their affairs in Arezzo and elsewhere, Sansepolcro.