• 
  unpag

Type:Notarial
Language:Latin
Transcription Author: James R. Banker
Published: yes
Publication Details: Published by E. Battisti, Piero della Francesca, Milan, 1971, II, p. 239, doc. CXCVII, and by J. R. Banker, Documenti fondamentali per la conoscenza della vita e dell'arte di Piero della Francesca, Selci-Lama, 2013, p. 182, doc. CCXXXVII.
Notes: Transcription by J.R. Banker revised by Matteo Mazzalupi.

• Transcription

Procuratio filiorum Benedicti Petri de Franceschis et nepotum. Die XXII mensis augusti. Actum in Burgo predicto in lodia nova communis Burgi ubi ius redditur, presentibus ser Francescho Andree de Pichis, Christoforo Nerii Christofori Ruzzi et Nardo Iacobi Goraccii de Burgo predicto testibus ad hec vocatis, adhibitis et rogatis. Magister Petrus et Antonius fratres et condam filii Benedicti Petri de Franceschis de Burgo predicto et Franciscus eorum nepos et olim filius Marci Benedicti predicti, eorum nominibus propriis et vice et nominibus Sebastiani et Hyeronimi fratrum et filiorum condam dicti Marci, pro quibus et quolibet ipsorum dicti magister Petrus et Antonius et Francischus et quilibet ipsorum de rato et rati habitione promiserunt etc., et dictis nominibus et quolibet ipsorum nominum et in solidum, sponte et ex certa scientia per se et eorum heredes et successores et omni meliori modo, via, iure, causa et forma qua et quibus magis et melius potuerunt et de iure fieri potest et debet etc. fecerunt et constituerunt et ordinaverunt atque creaverunt eorum et cuiusque ipsorum dictis nominibus et quolibet ipsorum nominum et in solidum verum et legiptimum procuratorem, actorem, factorem et certum numptium specialem et mandatarium ser Nicolaum olim Bartolomei ser Marii de Fidelibus de dicto Burgo, licet absentem sed tamquam presentem, specialiter, nominatim et expresse in causa seu causis, una vel pluribus, quam vel … (?) dicti constituentes dictis nominibus et quolibet ipsorum nominum habent vel habere intendunt cum strenuo viro Alexandro condam strenui viri Antonelli de Inghiramis de dicto Burgo et generaliter cum quacumque alia persona tam ecclesiastica quam seculari et tam in curia presentis domini capitanei dicte terre Burgi quam futurorum et in quacumque alia curia tam ecclesiastica quam seculari et tam dicte terre quam aliunde etc. et tam in agendo quam in defendendo etc. ad agendum, causandum, excipiendum et reprehendendum etc.