• 
  unpag

Type:Institutional record
Language:Latin
Transcription Author: Fiorenzo Canuti
Published: yes
Publication Details: Published by F. Canuti, “Il Perugino”, Siena, 1931, vol.2, p.123 (previously in E. Müntz, 'Les arts à la cour des papes pendant le XVe et le XVIe siècle: recueil de documents inédits tirés des archives et des bibliothèques romaines', Paris, 1898, Vol. 1, p.261)
Notes: The document is dated 1621.

• Transcription

Chorus Sixti quadratam formam paulo longiorem praeseferebat, tantae fere latitudinis et longitudinis quantae fortasse hodie extat ibi chorus novus a Paulo V aedificatus, parietes habebat multae crassitudinis palmorum circiter tredecim, tegebatur non arcuato sed plano fornice […]. In facie habebat absidam picturis ornatam, in cuius curvitate erat Imago Deiparae Virginis, ulnis Filium gestantis, in corona Angelorum sedentis; a destris eius Princeps Apostolorum offerens Sixtum IV, ad vivum expressum, manibus supplicem, pluviali indutum, nudato capite, cum thiara tribus coronis ad pedes, genibus flexis, Jesu Cristo benedicenti, ac Sanctus Franciscus. A sinistris vero Sanctus Paulus et Sanctus Antonius Patavinus in juvenili aetate, lilium gestans; supra caput Deiparae duo angeli; hinc inde, alter fidibus seu testudine, alter lira sonantes, quos e ruinis servatos habuit Ill.mus D.us Card. de Monte Alto: “Opus Petri de Perusia egregi pictoris" Habuit Card. Burghesius, dictos duos Angelos, Card. Montaltus, quos ego Jacobus Grimaldus eidem Principi obtuli ac d. d., pro sacra aedicula in vinea sua ad S. Mariam Majorem.