Italian Renaissance Document Site

et suorum mortuorum animarum et remedio peccatorum officia vigintiunum mortuorum in dicta ecclesia Sancti Francisci de Cortona condictionibus, modis et temporibus infrascriptis videlicet unum antedictis vigintiuno officiis infra tridum a die mortis dicte testatricis illa impensa prout videbitur supra et infrascripto magistro Luca eius viro et alia vigintiunum anno quolibet incipiendo a die mortis predicta et ut seguitur finiendo in dicta ecclesia et in quolibet dictorum viginti officiorum expendi voluit florenum unum auri largum condictione ac lege que si anno quolibet non dici et celebrari fecerit unum officium in dicta ecclesia ut dictum est dicto pretio que dicto anno seu annis quo seu quibus dici et celebrari non fecerit ut supra dictum est illo anno seu annis teneatur et obligatus sit dici et celebrari facere duo dictorum officiorum dicta impensa ut supra. Et quod ad id fratres dicte ecclesie Sancti Francisci teneantur et obligati sint, possint et ipsis liceat cogi et gratiari facere ad faciendum et dici et fieri faciendum dicta duo officia dicta impensa ut dictum est. Item reliquit iure legati amore Dei et ad pias causas et pro salute sue anime et suorum remedio peccatorum ecclesie conventus fratrium Sancti Francisci predicti de Cortona stariorum unum unius terreni laborativi dicte testatricis maioris mensure siti in territorio c[ontrat]e Pergi comitatus dicte civitatis in t[erritori]o de le corte iuxta bona filiorum et heredum Francisci Evangeliste Fini a duobus

Luca Signorelli’s wife (Galitia Petri Marchi Carnesecchis) makes her will in Cortona.